Aanchal Mar-17

ڈش مقابلہ

طلعت آغاز

مایو رول

اجزا:۔

چکن کیوبز میں کٹا ہوا         آدھا کلو

دکھنی مرچ                       ایک چائے کا چمچ

دہی                                آدھا کپ

ہلدی                               آدھا چائے کا چمچ

ادرک لہسن                       ایک کھانے کا چمچ

کالی مرچ پسی ہوئی            آدھا چائے کا چمچ

نمک                               حسب ضرورت

پسا ہوا گرم مصالح              آدھا چائے کا چمچ

آئل                                 ایک کھانے کا چمچ

مایونیز                            ایک کپ

ترکیب:۔

چکن کیوبز میں سارے مصالحہ اور دہی پھینٹ کر ملادیں اور ایک گھنٹے رکھ دیں۔ فرائی پین میں آئل ایک کھانے کا چمچ ڈال کر چکن کو اچھی طرح بھون لیں جب چکن گل جائے تو پانی خشک کرلیں ‘ کوئلہ کو گرم کرکے چکن پر رکھ کر ڈھکن بند کردیں‘ تھوڑی دیر میں کھول لیں۔

میدہ               آدھا کلو

چینی              ایک چائے کا چمچ

انڈا                ایک عدد

آئل                 فرائی کے لیے

نمک               آدھا چائے کا چمچ

دودھ               ایک کپ

میدہ میں انڈا‘ نمک‘ چینی ڈال کر دودھ سے گوندھ لیں اور ایک سے دو گھنٹے رکھ دیں پھر پراٹھے بنالیں اور پھر چکن اور مایونیز ڈال کر بٹر پیپر میں رول کرلیں‘ مایو رول تیار ہیں۔

فہمیدہ غوری… گلشن اقبال‘ کراچی

کھڑے مصالحے کا دھواں گوشت

جزاء:۔

گوشت           ایک کلو

دہی               ایک کلو

پیاز               ایک کلو

ہری مرچ          پانچ سے سات موٹی والی

ادرک‘ لہسن        ایک چائے کا چمچ

دھنیا                حسب ضرورت

کوئلہ                    تین عدد

نمک‘ سرخ مرچ        حسب ضرورت

ترکیب:۔

ایک دیگچی میں گوشت‘ تین پیاز کاٹ کر‘ لہسن ادرک اور دھنیا ڈال کر گلنے کے لیے چھوڑ دیں۔ گوشت گلنے کے بعد پانی خشک کرکے گھی ڈال کر خوب بھونیں جب گوشت بھن جائے تو بقیہ پیاز کے گول گول لچھے کاٹ کر ڈال دیں۔ اب اس میں پھینٹی ہوئی دہی‘ لچھے دار پیاز‘ ہری مرچ اور سبز دھنیے کی تہہ لگائیں پھر سب سے اوپر چھوٹی سی روٹی کے ٹکڑے کے اوپر دہکتا ہوا کوئلہ رکھ کر گوشت پر رکھ دیں۔ کوئلے پر دوچار گھی کے قطرے ٹپکا کر ڈھکن اچھے سے بند کردیں۔ ایک گھنٹے بعد کھول کر روٹی اور کوئلہ نکال دیں اور باقی چیزوں کو اچھی طرح ملالیں۔ کوئلہ ڈال کر چولہے پر نہیں چڑھانا ہے‘ مزے دار دھواں گوشت تیار ہے‘ سرو کریں اور داد سمیٹیں۔

ثانیہ مسکان… گوجر خان

برائون بریڈ سیڈوچ

اشیاء:۔

برائون بریڈ                                     دو سلائس

پنیر                                              دو کھانے کے چمچ

ٹماٹر‘ سلاد پتہ                                 ایک ایک عدد

کھیرا                                             دو ٹکڑے

چکن کے ریشے                                چار کھانے کے چمچ

نمک‘ کالی مرچ‘ چاٹ مصالحہ                حسب ذائقہ

ترکیب:۔

ابلے چکن کے ریشوں کے ساتھ پنیر مکس کریں اور نمک‘ کالی مرچ اور چاٹ مصالحہ مکس کرکے سلائس پر لگائیں پھر سلاد کا پتہ‘ کھیرا‘ ٹماٹر رکھ کر دوسرا سلائس اوپر رکھیں۔سینڈوچ میکر میں تھوڑی دیر رکھنے کے بعد نکال لیں‘ مزے دار سینڈوچ تیار ہیں۔ ویجیٹیبل سینڈوچ کے لیے چکن کی جگہ بند گوبھی‘ کٹا ہوا کھیرا اور آلو ڈال لیں ویجیٹیبل سینڈوچ تیار ہیں۔

وائٹ چنا چاول

اجزاء:۔

چاول                               ایک کلو

ابلے چنے                         ایک پائو

سفید زیرہ                           دو چمچ

خشک پودینے کے پتے           چار چمچ

ہرا دھنیا موٹا کٹا ہوا               ایک پیالی

پیاز باریک کٹی ہوئی              ایک عدد

نمک                                 حسب ذائقہ

آئل                                   حسب ضرورت

دہی بنانے کے لیےدہی            ایک پائو

ہری مرچ                            چار عدد

سفید زیرہ                           ایک چمچ

لہسن کے جوئے                   تین عدد

ہرا دھنیا                             ایک چمچ

پودینہ                                ایک چمچ

نمک                                 حسب ذائقہ

ترکیب چاول:۔

ایک دیگچی میں آئل گرم کرکے پیاز ڈال کرلائٹ برائون کرلیں پھر زیرہ‘ ابلے چنے ڈال کر ذرا فرائی کرلیں۔ اب اس میں پانی‘ نمک اور پودینہ ڈال کر ڈھک دیں۔ ابال آنے پر چاول ڈال کر دم پر رکھ دیں‘ آخری دم آنے پر دھنیا چھڑک دیں۔

ترکیب دہی:۔

لہسن‘ دھنیا‘ پودینہ‘ زیرہ‘ ہری مرچ نمک ان تمام چیزوں کو پیس کر دہی میں ڈال کر مکس کرلیں۔ لیجیے مزے دار سمپل ڈش وائٹ چنا ‘ چاول ریڈی ہیں۔ ہری دہی کے ساتھ مزے لے لے کر کھائیں اور ہمیں داد دیں۔

سونی علی… ریشم گلی مورو

آلو بخارے کی چٹنی

اجزاء:۔

آلو بخارے               ایک کلو گرام

نمک                      ۱۲۵ گرام

چینی                     ۲/۱ کلو گرام

کالی مرچ               ۴۰ گرام

لیموں کا رس           ایک کلو گرام

کشمش                  ۲۵۰ گرام

سیاہ زیرہ              ۴۰ گرام

ادرک                   ۴۰ گرام

الائچی خورد            ۳۰ گرام

پودینہ                   ۱۲۵ گرام

خشک کھجو          ۲۵۰ گرام

ترکیب:۔

تمام اشیاء کو صاف کرلیں‘ سیاہ زیرہ بھون لیں‘ آلو بخاروں کو بارہ گھنٹوں کے لیے لیموں کے رس میں ڈبو کر رکھ دیں۔ اگلے دن ان کو خوب مسلیں اور ان کا عرق کپڑے کے ذریعے چھان لیں‘ گرم مصالحہ پیس لیں۔ مغز بادام اور پودینہ کو ہاون دستہ میں رگڑیں‘ اب ان تمام اشیاء کو اکٹھا کرکے یکجان کریں۔ یکجان کیے ہوئے مرکب کو کسی برتن میں ڈال کر تین دن تک دھوپ میں رکھیں پھر اسے بوتل میں ڈال لیں۔ لیں جی مزے دار آلو بخارے کی چٹنی تیار ہے۔ آپ لوگ بھی بنایئے اور مجھے بتایئے‘ کم وقت ‘ مناسب قیمت میں دو ماہ کے مزے ہوئے کہ نہیں بقول عمر کے زندگی کا مزہ تو کھٹے میں ہے۔

جویریہ وسمی… ڈونگہ بونگہ

ہالاناکہ کڑاہی

اشیاء:۔

مرغی بون لیس              ایک کلو

کالی مرچ پسی ہوئی         ایک کھانے کا چمچ

نمک                            حسب ذائقہ

سرخ مرچ کُٹی ہوئی         ایک کھانے کا چمچ

چائنیز نمک                   ایک چائے کا چمچ

بڑی ہری مرچ کٹی ہوئی    سات عدد 

ٹماٹر                           آدھا کلو

تیل                             ڈیڑھ کپ

ترکیب:۔

چکن کو اچھی طرح دھوکر اس پر نمک اور چائنیز نمک لگا کر ایک گھنٹہ میرینیٹ کرنے کے لیے رکھ دیں۔ تیل کو گرم کریں اور چکن ڈال دیں‘ تین منٹ تک تیز آنچ پر فرائی کریں۔ اس کے بعد کالی مرچ ڈال کر ایک منٹ کے لیے فرائی کریں اس کے بعد کُٹی ہوئی لال مرچ ڈال کر ایک منٹ تک فرائی کریں۔ ٹماٹر ڈال کر آنچ کم کردیں‘ ٹماٹر تقریباً گل جائیں تو ہری مرچ ڈال کر دم پر رکھ دیں۔ جب گریوی خشک ہوجائے تو اتارلیں گرم گرم نان کے ساتھ سرو کریں۔

پروین افضل شاہین… بہاولنگر

شیر خورمہ

اشیاء:۔

سویاں                                    آدھا پائو

گھی                                       دو چمچ

دودھ                                       دو کلو

پستہ بادام                                آدھا پائو

ناریل‘ چھوارے‘ کشمش                آدھا پائو

سبز الائچی                               چھ عدد

کھویا                                      آدھا پائو

چینی                                      حسب ذائقہ

ترکیب:۔

دودھ کو دو گھنٹے ہلکی آنچ پر پکائیں‘ سویوں کو گھی میں تل لیں اور اس کو دودھ میں ڈال دیں۔ آدھے پستے بادام دودھ میں ڈال دیں اس کے بعد دودھ میں کھویا‘ ناریل‘ کشمش‘ چھوارے اور الائچی باریک کاٹ کر شامل کرلیں جب سب چیزیں مل جائیں اس کو ڈش میں نکالیں اور باقی بادام پستوں کی ہوائیاں کاٹ کر چھڑک دیں۔ لیجیے لذیز شیر خورمہ تیار ہے‘ بناکر بتایئے گا کیسا لگا۔

اقراء افضل جٹ… منچن آباد

اسپیشل چاکلیٹ کیک

اشیاء:۔

چاکلیٹ کے ٹکڑے                 چودہ اونس

میدہ                                  چودہ اونس

نرم شدہ مکھن                      گیارہ اونس

بیکنگ پائوڈر                        ڈیڑھ چائے کا چمچ

تازہ کریم                              چھ اونس

انڈے                                   تین عدد

کیک کے گول سانچے              9 کے تین عدد 

چینی                                    چودہ اونس

آئسنگ شوگر                           دس اونس

ترکیب:۔

۱۔ ایک ساس پین میں آدھی چاکلیٹ‘ آٹھ اونس مکھن اور دو گلاس پانی ڈال کر ہلکی آنچ پر گرم کریں جب سیرپ سا تیار ہوجائے تو آنچ بند کرکے قدرے ٹھنڈا ہونے دیں۔

۲۔ ایک بڑے پیالے میں انڈوں کو خوب پھینٹ کر چاکلیٹ سیرپ آہستہ آہستہ ملاتے ہوئے خوب پھینٹ لیں پھر میدہ اور بیکنگ پائوڈر چھان کر انڈوں میں پہلے چینی ملائیں پھر آہستہ آہستہ ہلکے ہاتھ سے میدہ ملادیں۔

۳۔ مرکب کو چکنائی لگے تینوں سانچوں میں برابر تقسیم کرکے ڈال دیں۔

۴۔ 170c پر پہلے سے گرم شدہ اوون میں تینوں سانچے ایک ہی شیلف پر رکھ کر پچیس سے تیس منٹ تک بیک کرکے تنکا کرکے (ڈال کے) دیکھیں اگر تنکا صاف ہے تو پھر کیک باہر نکال کر ٹھنڈا کرلیں اور ٹھنڈا ہونے پر پلٹ دیں۔

۵۔بقیہ چار اونس چاکلیٹ کو گرم پانی کے برتن پر رکھ کر پکائیں اور پھر اس میں تین اونس بقیہ مکھن اور آئسنگ شوگر ملا کر پھینٹ لیں اب اس میں پھینٹی ہوئی کریم میں سے چار چمچ نکال کر ملائیں اور تینوں کیک کے درمیان پر مرکب لگا کر ایک دوسرے کے اوپر رکھتے ہوئے جوڑ لیں۔

۶۔ دو اونس چاکلیٹ سے کو ر کردیں‘ تھوڑی سی چاکلیٹ کش کرکے کیک کے اوپر کناروں پر پھیلا کر بارڈر سا بنادیں اور درمیان میں تازہ گلاب کا پھول سجا دیں‘ کیک پر تکلف تقریب کے لیے تیار ہے۔

لائبہ میر… حـضرو

دال کھجور کا حلوہ

اشیاء:۔

ناریل پسی ہوئی          چار چمچ

دال                         آدھا کپ

کھجور                     ایک پائو

دودھ                        دو کلو

خشک دودھ               آدھا کپ

بادام میوے وغیرہ        حسب ضرورت

الائچی                      چار عدد

ترکیب:۔

پہلے دال کو ابال لیں‘ کھجور کی گٹھلی نکال کر آدھا کلو دودھ میں بھگو کر رکھ لیں۔ آدھے گھنٹے کے لیے ابالی ہوئی دال اور خشک دودھ کو مکس کرکے گرینڈ کرلیں جو کھجور بھگو کر رکھی ہے اسے بھی گرینڈ کرلیں اب ایک برتن میں ایک چمچ گھی ڈال کر دال کو بھون لیں جب دال بھن جائے تو کھجور بھی ڈال دیں۔ اب توڑی دیر پکائیں پھر اس میں بقایادودھ‘ بادام‘ میوے‘ الائچی وغیرہ شامل کرلیں اور مزید پکائیں جب حلوہ گاڑھا ہوجائے‘ اتار لیں۔ زیادہ گاڑھا نہ ہو‘ اب کسی برتن میں نکال کر ٹھنڈا ہونے کے لیے رکھ دیں اوپر پسی ہوئی ناریل بھی ڈال لیں اگر گرمیاں ہیں تو تھوڑی دیر فریج میں رکھ لیں اور ٹھنڈا ٹھنڈا نوش فرمائیں‘ شکریہ۔

منزہ عطا… کوٹ ادو

سوجی کی پینی

اشیاء:۔

سوجی                               ایک کلو

کھویا                                 آدھا کلو

سفوف چینی                         چھ سو گرام

دیسی گھی                          ۳۵۰ گرام

ناریل‘ بادام‘ مغز‘ سوگی           حسب پسند

گرم دودھ                             ایک کپ

ترکیب:۔

سوجی کو کڑاہی میں ڈال کر خوب بھونیں پھر گھی ملا کر ہلکی آنچ پر اتنا پکائیں کہ سوجی گھی چھوڑ دے پھر کھوئے کو دوسری کڑاہی میں ڈال کر سرخ کریں اور سوجی میں ملادیں۔ اب سفوف چینی اس میں ملائیں اور آگ سے اتار لیں اور خشک میوے شامل کریں پھر ایک کپ گرم دودھ اس آمیزے میں ملاکر ہاتھوں سے خوب مکس کریں اور دودھ لگا لگا کر ہاتھوں سے گیند کے سائز کی پنیاںبنائیں اور خشک ہونے کے لیے الگ رکھتی جائیں۔ یہ لذیز پنیاں بہت دنوں تک کھانے کے قابل رہتی ہیں۔

بی بی عابدہ… بھیر کنڈ‘ مانسہرہ

قیمہ کی کچوریاں

اشیاء:۔

قیمہ بغیر چربی والا               آدھا کلو

پیاز درمیانی ڈلی                    دو عدد

لیموں                                 دو عدد

ہرا دھنیا باریک کٹا ہوا            ایک عدد

ہری مرچ باریک کٹی ہوئی       تین عدد 

ادرک لہسن پسا ہوا                 ایک کھانے کا چمچ

لال مرچ پسی ہوئی                  ایک کھانے کا چمچ

کالی مرچ پسی ہوئی                ایک کھانے کا چمچ

نمک                                  حسب ذائقہ

کھانے کا سوڈا                      آدھا چائے کا چمچ

تیل تلنے کے لیے                  حسب ضرورت

ترکیب:۔

سب سے پہلے آٹے میں اجوائن‘ نمک اور سوڈا ملا کر اچھی طرح گوندھ لیں اور کسی گیلے کپڑے سے ڈھانک کر تقریباً پندرہ منٹ کے لیے رکھ دیں پھر ایک دیگچی میں ایک کھانے کا چمچ تیل ڈال کر قیمہ ڈال دیں۔ ساتھ میں نمک‘ ادرک لہسن اور مرچ ڈال دیں جب پانی خشک ہوجائے تو ہلکا سا بھون کر پیاز ہری مرچ اور ہرا دھنیا ڈال دیں۔ اوپر سے لیموں کا رس ڈال دیں پھر اچھی طرح مکس کرلیں‘ ٹھنڈا ہونے دیں۔اب آٹے کا چھوٹا سا پیڑالے کر ہاتھ گیلا کرلیں‘ پھر پیڑے پھیلا کر تھوڑا سا قیمہ رکھ کر چاروں طرف سے بند کردیں ذرا سا دبا کر کچوری کی طرح پھیلائیں‘ کڑھائی میں تیل گرم کریں جب خوب گرم ہوجائے تو آنچ ہلکی کرکے کچوریاں تلنا شروع کریں جب تل جائیں تو نکال کر چھلنی میں اخبار بچھا کر اوپر رکھتی جائیں تاکہ تیل جذب ہوجائے‘ گرم گرم املی کی چٹنی دہی کے رائتہ کے ساتھ سرو کریں۔

جی کنول خان… موسیٰ خیل

Show More

جواب دیں

آپ کا ای میل ایڈریس شائع نہیں کیا جائے گا۔

Check Also

Close
error: Content is protected !!
Close