Hijaab Dec 15

حمد و نعت

ڈاکٹر ابو الخیرکشفی

حمد باری تعالیٰ

آواز تیری روح میں
آثار تیرے ذہن میں
نغمہ تیرا آفاق میں
پرچم تیرے افلاک پر
سارے املائک نغمہ خواں
سارے شجر سارے حجر
افلاک کے سارے نجوم
یہ قرص روشن چاند کا
سورج کا زریں پیرہن
تیری صفات بے کراں
ہر شے سے پیدا ہیں یہاں

ڈاکٹر ابو الخیر کشفی…

نعت رسول مقبول صلی اللہ علیہ وسلم

تو حرف دعا ہے مرے مولا‘ مرے آقا صلی اللہ علیہ وسلم
رحمت کی نوا ہے مرے مولا‘ مرے آقا صلی اللہ علیہ وسلم
گرداب بلا میں ہے ترا نام‘ سفینہ
تو موج کشا ہے میرے مولا‘ مرے آقا صلی اللہ علیہ وسلم
اس حد مکانی سے گزر کر ترا نغمہ
میں نے بھی سنا ہے مرے مولا‘ مرے آقا صلی اللہ علیہ وسلم
بکھرے ہوئے لمحوں میں سلامت ہیں دل و جاں
یہ تیری عطا ہے مرے مولا‘ مرے آقا صلی اللہ علیہ وسلم
تسکین دل و جاں کی ہر اک صورت مطلوب
طیبہ کی ہوا ہے مرے مولا‘ مرے آقا صلی اللہ علیہ وسلم
وہ گنبد خضریٰ کے قریں طائر تنہا
کشفی کی نوا ہے‘ مرے مولا مرے آقا صلی اللہ علیہ وسلم

ڈاکٹر ابو الخیر کشفی

Show More

Check Also

Close
Back to top button
error: Content is protected !!
×
Close